Sansar News
५ असार, पोखरा । कोरोना संक्रमणबाट गण्डकी प्रदेशमा थप ५ जनाको मृत्यु भएको छ ।
प्रदेशको स्वास्थ्य निर्देशनालयका अनुसार आज म्याग्दी, तनहुँ, कास्की, बाग्लुङ र स्याङजाका १\१ जना गरी ५ जनाको मृत्यु भएको हो ।
आज थपिएका ५ जनासँगै प्रदेशमा हालसम्म कोरोना संक्रमणबाट ज्यान गुमाउनेको संख्या ८८१ पुगेको छ ।
त्यसैगरी पछिल्लो २४ घण्टामा म्याग्दीमा ११, पर्बतमा ८, लमजुङमा २२, तनहुँमा ८८, कास्कीमा १२०, बाग्लुङमा २५, स्याङजामा ४० र नवलपरासीपूर्वमा ३२ जना गरी ३४६ जना संक्रमित थपिएका छन् । संक्रमित हुनेमा १७० महिला र १७६ जना पुरुष रहेका छन् । सोहि अवधिमा ३४६ जना संक्रमण मुक्त भएका छन् ।
आज थपिएका ३४६ जनासँगै प्रदेशमा हालसम्म ५२ हजार २९८ जना संक्रमित भएका छन् । सोहि अवधिमा ४७ हजार २१६ जना निको भएका छन् भने ४२०१ सक्रिय संक्रमितको उपचार भइरहेको छ ।
वि.सं.२०७८ असार ५ शनिवार १७:३७ मा प्रकाशित
