हामी सबैकाे संसारन्यूज

५ असार, काठमाडौं । पछिल्लो २४ घण्टामा कोरोनाका २४०१ जना नयाँ संक्रमित थपिएका छन् । पछिल्लो २४ घण्टामा गरिएको ७,०१० पिसीआर र ४६८६ ऐन्टिजेन गरी ११ हजार ६९६ नमुना परीक्षणमा २४०१ जना संक्रमित थपिएका हुन् ।

आज भक्तपुरमा ४४, ललितपुरमा ९२ र काठमाडौंमा २०१ गरी उपत्यकामा आज ३७७ जनामा संक्रमण पुष्टि भएको छ ।

आज थपिएका २४०१ जनासँगै नेपालमा पिसीआर प्रविधिबाट गरिएको परीक्षणमा हालसम्म संक्रमित हुनेको सख्या ६ लाख १९ हजार ६३५ पुगेको छ भने ऐन्टिजेन विधिबाट गरिएको परीक्षणमा २५,५७४ जना संक्रमति भएका छन् । दुवै विधिबाट परीक्षण गर्दा कूल संक्रमितको संख्या ६ लाख ४५ हजार २०९ पुगेको छ ।

त्यसैगरी पछिल्लो २४ घण्टामा देशैभरी ३६६० जना कोरोना संक्रमणबाट मुक्त भएका छन् । आज निको भएका ३६६० जनासँगैै नेपालमा कोरोना संक्रमणबाट मुक्त हुनेको संख्या ५ लाख ५३ हजार ३४२ पुगेको छ । मन्त्रालयका अनुसार निको हुनेको यो संख्या ८९.३ प्रतिशत रहेको छ ।

त्यस्तै पछिल्लो २४ घण्टामा ३४ जना कोरोना संक्रमितको मृत्यु भएको छ । आज मृत्यु भएका ३४ जनासँगै नेपालमा हालसम्म ज्यान गुमाउनेको संख्या ८,६७५ पुगेको मन्त्रालयद्धारा जारी विवरणमा उल्लेख छ ।

मन्त्रालयका अनुसार हाल नेपालमा हाल ५७ हजार ६१८ जना संक्रिय संक्रमित रहेका छन् । ती मध्ये होम आइसोलेशनमा ५३ हजार ७३३ जना र संस्थागत आइसोलेशनमा ३८८५ जना रहेका छन् ।

त्यस्तै देशैभरीका विभिन्न अस्पतालका आइसीयुमा ८७४ र भेन्टिलेटरमा २५८ जनाको उपचार भइरहेको छ । शुक्रबारको तुलनामा शुक्रबार पनि आइसीयु र भेन्टिलेटरमा रहनेको संख्या कम भएको छ ।

पछिल्लो २४ घण्टामा थपिए २७६८ कोरोना संक्रमित, ४४ जनाको मृत्यु