हामी सबैकाे संसारन्यूज

६ असार, काठमाडौँ । युरोकप २०२० मा जर्मनीले पहिलो जित हात पारेको छ । शनिबार राति सम्पन्न भएको खेलमा जर्मनीले पोर्चुगललाई ४-२ गोलले पराजित गरेको हो ।

खेलको १५ औँ मिनेटमा रोनाल्डोले पहिलो गोल गर्दै पोर्चुगललाई अग्रता दिलाएका थिए । खेलको ३५ मिनेटमा जर्मनीले बराबरी गर्न सफल भयो । जर्मनीका गोसेन्सले डिबक्समा हाभर्ट्ज दिएको पास क्लियर गर्ने क्रममा पोर्चुगलका रुबेन डियासले आफ्नै पोस्टमा गोल गर्न पुगेका थिए ।

त्यसपछि खेलको ३९ औँ मिनेटमा पोर्चुगलले दोस्रो आत्मघाती गोल गोल गर्न पुगेका थियो । पोर्चुगलका गुइरेरोले आत्मघाती गोल गरेका थिए । दोस्रो हाफको ५१ औँ मिनेटमा हाभर्ट्जले जर्मनीका लागि तेस्रो गोल गरेका थिए भने ६० औँ मिनेटमा रोबिन गोसेन्सले चौथो गोल गरेका थिए । खेलेको ६७ मिनेटमा जोटाले पोर्चुगलका लागि दोस्रो गोल गर्दै खेललाई ४-२ को अवस्थामा पुराएका थिए ।

जितसँगै जर्मनीले दुई खेलबाट ३ अंक जोडेको छ भने पराजित भएको पोर्चुगलको पनि ३ अकं रहेको छ ।