७ असार, काठमाडौं । साताको दोस्रो दिन सोमबार सेयर कारोबार मापक नेप्सेमा उच्च अंकको गिरावट देखिएको छ । सोमबार नेप्सेमा अघिल्लो दिनको तुलनामा ७१ दशमलब शुन्य ६ अंकले गिरावट आएर २ हजार ८ सय ३४ दशमलब ४१ बिन्दुमा रोकिएको छ ।

त्यस्तै ठूला कम्पनीहरुको कारोबार मापक सेन्सेटिभ पनि ८ दशमलब ३७ अंकले घटेर ५ सय २० दशमलब १८ बिन्दुमा झरेको छ । नेप्सेमा गिरावट आए पनि कारोबार रकममा भने करि साढे ११ अर्ब बराबरको भएको छ । जुन अघिल्लो दिनको हाराहारी हो ।

आजको बजारमा कूल सूचिकृत मध्ये २२७ कम्पनीको कारोबार भएको थियो । कारोबार भएकामध्ये ४ कम्पनीको सूचक हरियो देखिएको छ भने १७८ कम्पनीको सूचक राताम्मे देखिएको छ । समता घरेलु लघुबित्तको सूचकमा भने कूनै पनि परिवर्तन आएको छन ।

नेप्सेमा पहिरो, अधिकांंस कम्पनीको सूचक राताम्मै

अघिल्लो साताबाट ओरालो लाग्न थालेको सेयर बजार सोमबारसम्ममा १९१ अंकले घटेको छ । गत सोमबार नेप्से हालसम्मकै उच्च ३ हजार २५ दशमलब ८३ बिन्दुमा पुगेर बजार बन्द भएको थियो । त्यसको ५ कारोबार दिनपछि सोमबार सेयर बजार करिब २ सय अंकले घटिसकेको छ ।

अहिलेको अबस्था स्वभाविक भएको सेयर जानकारहरुको भनाई रहेको छ । यसलाई उनीहरु सेयर बजारमा करेक्सन आएको बताउँछन् ।