हामी सबैकाे संसारन्यूज

१७ असार, काठमाडौं । देशैभरी रहेको मनसुनी प्रभावका कारण देशका विभिन्न नदीका बहाव उच्च रहि खतरातह सम्म पुग्ने हुनाले सतर्कता अपनाउन अनुरोध गरिएको छ ।
जल तथा मौसम विज्ञान विभागको बाढी पूर्वानुमान महाशाखाका अनुसार आज कोशी र नारायणीका सहायक नदीहरु तथा पुर्वी राप्ती र कन्काई लगायतमा बहाव उल्लेख्य बढ्ने र केहीमा सतर्कता तह आसपास पुग्न सक्ने बताइएको छ ।

त्यस्तै कमला र बागमती लगायतमा बहाब सतर्कता तह पार गरि खतरा तहसम्म पुग्न सक्ने पुर्वानुमान रहेकाले तीे क्षेत्रहरूमा विशेष सावधानी अपनाउनुहुन अनुरोध गरिएको छ ।

त्यस्तै लमजुङ जिल्ला घरेढुङ्गा, राइनासटार, बिमलनगर र आसपासका क्षेत्रमा पछिल्लो ६ घण्टा भारी बर्षा भएको छ भने बिमलनगरस्थित मर्स्याङ्गदी नदीमा जलसतह सतर्कता तह पार गरेको र बढ्दो रहेकोले, नदी तटिय क्षेत्र तथा होचा स्थानमा डुबान हुन सक्ने भएकोले सतर्क रहन पनि अनुरोध गरिएको छ ।

यस्तो छ बाढी पूर्वानुमान सूचना