Sansar News
१८ असार, काठमाडौं । वागमती प्रदेशमा विहीवार थप ९ कोरोना संक्रमितको मृत्यु भएको छ ।
मृत्यु हुनेमा काठमाडौंका ७२ वर्षीय पुरुष र ६६ वर्षीया महिला, ललितपुरका ७६ र ९२ वर्षीय २ पुरुष र ४० वर्षीया महिला, भक्तपुरका ६४ वर्षीय, धादिङका ४० वर्षीय, मकवानपुरका ५५ वर्षीय र चितवनका उमेर नखुलेका १ पुरुष सहित ९ जना रहेको प्रदेशको सामाजिक विकास मन्त्रालयले जनाएको छ । बिहीवार थपिएका ९ जनासँगै प्रदेशमा हालसम्म मृत्यु हुनेको संख्या ३,८५० पुगेको छ ।
त्यस्तै प्रदेशमा बिहीवार पिसीआर र ऐन्टिजेन गरी ८,६२० नमुना परीक्षणमा ७८४ जनामा संक्रमण पुष्टि भएको छ । ती मध्ये काठमाडौं, चितवन र ललितपुरमा बढी रहेका छन् ।
बिहीवार थपिएका ७८४ जनासँगै प्रदेशमा हालसम्म संक्रमित हुनेको संख्या ३ लाख ४३ हजार ९७ पुगेको छ भने निको हुनेको संख्या ३ लाख ३० हजार २०४ पुगेको छ ।
हाल प्रदेशका विभिन्न आइसीयुमा २४९ जना र भेन्टिलेटरमा ९७ जना उपचाररत छन् । प्रदेशमा हाल ९,०४३ सक्रिय संक्रमितको उपचार भइरहेको पनि मन्त्रालयको विवरणमा उल्लेख छ ।
वि.सं.२०७८ असार १८ शुक्रवार ०९:३४ मा प्रकाशित
