Sansar News
१९ असार, काठमाडौं । गण्डकी प्रदेशमा कोरोना संक्रमित हुने र मृत्यु हुनेको संख्या निरन्तर घट्दै गइरहेको छ ।
पछिल्लो २४ घण्टामा प्रदेशमा १ जनाको मात्र मृत्यु भएको छ ।
प्रदेशको स्वास्थ्य निर्देशनालयका अनुसार लमजुङका १ जनाको मृत्यु भएको छ ।
आज थपिएका १ जनासँगै प्रदेशमा मृत्यु हुनेको संख्या ९५९ पुगेको छ ।
त्यसैगरी प्रदेशमा आज म्याग्दीमा १८, पर्बतमा ३, गोरखामा ५, तनहुँमा २१, लमजुङमा १, कास्कीमा ५७, बाग्लुङमा ४, स्याङजामा १९ र नवलपरासीपूर्वमा ४५ जना गरी १७३ जना नयाँ संक्रमित थपिएका छन् । ती मध्ये ८० जना महिला र ९३ जना पुरुष रहेका छन् । साथै प्रदेशमा आज २७७ जना संक्रमणबाट मुक्त भएका छन् ।
आज थपिएका १७३ जनासँगै प्रदेशमा हालसम्म ५६ हजार ७५० जना संक्रमित भएका छन् भने ती मध्ये ५२ हजार ६५४ निको भएका छन् ।
वि.सं.२०७८ असार १९ शनिवार १९:०१ मा प्रकाशित
