Sansar News
२० असार, काठमाडौं । बागमती प्रदेशमा थप ६ कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार शनिबार मृत्यु हुनेमा काठमाण्डौंका ८९ र ७१ वर्षीय २ पुरुष, काभ्रे पलान्चोकमा ३८ र ८१ वर्षीय २ पुरुष तथा ललितपुरका ५२ वर्षीय पुरुष र सिन्धुपाल्चोककी ७० वर्षीया १ महिला गरी ६ जनाको मृत्यु भएको हो । शनिबार थपिएका ६ जनासँगै प्रदेशमा हालसम्म कोरोना संक्रमणबाट निधन ुहनेको संख्या ३८६९ पुगेको छ ।
प्रदेशमा शनिबार पिसीआर र ऐन्टिजेन गरी ३९७६ नमुना परीक्षणमा ७४१ जनामा संक्रमण पुष्टि भएको छ । संक्रमित भएका मध्ये चितवन, काठमाडौं र ललितपुरका बढी रहेको पनि विवरणमा उल्लेख छ ।
प्रदेशमा हालसम्म कोरोना संक्रमित हुनेको संख्या ३ लाख ४४ हजार ७३५ पुगेको छ भने ३ लाख ३२ हजार ९९ जना निको भइसकेका छन् । प्रदेशमा हाल २३० जनाको आइसीयु र ११८ जनाको भेन्टिलेटरमा उपचार भइरहेको छ ।
वि.सं.२०७८ असार २० आइतवार ०९:३६ मा प्रकाशित
