हामी सबैकाे संसारन्यूज

२० असार, काठमाडौं । निजी हवाई कम्पनीहरुको स्वतन्त्र संस्था वायुसेवा सञ्चालक संघ (एओन)ले सरकारसँग साविककै पूर्ण हवाई उडानको माग गरेको छ । आइतबार एक विज्ञप्ति जारी गर्दै संघले आम्दानी घटनाले खर्च धान्न मुश्किल हुने हुँदा पूर्ण उडान खुल्ला गर्नुपर्ने माग गरेको हो ।

ल तोकिएको ५० प्रतिशत उडान संख्याले यात्रु उद्धार गर्न कठिनाइ हुने संघले जनाएको छ । अहिले परेको अविरल वर्षाले बाटोघाटोलाई विभिन्न ठाउँमा क्षति पु¥याएकाले कतिपय उद्धार गर्नुपर्ने र यात्रुहरूले हवाई यात्रा नै रोज्ने भएकाले हालको उडान संख्याले नहुने संघको भनाइ छ ।

‘उडान संख्या घट्ने बित्तिकै निषेधाज्ञा अगाडिको सस्तो हवाई भाडा वायु सेवा कम्पनीहरुले धान्नै नसकिने देखिन्छ । उडान संख्या कम हुने बित्तिकै सञ्चालन खर्च स्वतः बढ्न जान्छ’, संघले आइतबार जारी गरेको विज्ञप्तिमा भनिएको छ, ’निषेधाज्ञा अगाडि झण्डै दैनिक १५ हजार हवाई यात्रुहरुले ओहोर दोहर गरेको रेकर्ड छ । यसो हुनुको मुख्य कारण सस्तो हवाई भाडादर र अधिक हवाई उडान नै हो ।’

संक्रमणरहित हवाई यात्राका लागि अन्तर्राष्ट्रिय मापदण्ड तथा सरकारद्वारा निर्देशित निर्देशिकाको कडिकडाउका साथ पालना गरिरहेको संघले दाबी गरेको छ ।