Sansar News
असार २२, काठमाडौं । नेकपा (एमाले)को आन्तरिक विवाद मिलाउन गठित कार्यदलको बैठक बसिरहँदा माओवादी केन्द्रका अध्यक्ष पुष्पकमल दाहाल ‘प्रचण्ड’ एमाले नेता माधवकुमार नेपाललाई भेट्न पुगेका छन् । एमाले कार्यदलका नेताहरुबीच छलफल चलिरहेका बेला प्रचण्ड नेता नेपाललाई भेट्न उनकै निवास कोटेश्वर पुगेका हुन् ।
प्रचण्ड मंगलबार दिउँसो मात्रै जनकपुर पुगेर फर्किएका थिए । जनपुर पुगेर फर्किएका प्रचण्ड लगत्तै नेता नेपाल निवास कोटेश्वर पुगेका हुन् ।
बताइएअनुसार अहिले दुई नेताबीच छलफल जारी छ ।
माधव पक्ष विपक्षी गठबन्धनमा सहभागी छ । यदि एमाले विवाद सुल्झिए विपक्षी गठबन्धनको अवस्था के हुने अन्यौंल देखिन्छ । एमाले कार्यदलको छलफल सकारात्मक भएको मानिएका बेला प्रचण्ड र माधव नेपालबीचको भेटलाई अर्थपूर्णं रुपमा लिइएको छ ।
वि.सं.२०७८ असार २२ मंगलवार १५:४३ मा प्रकाशित
