हामी सबैकाे संसारन्यूज

२२ असार, काठमाडौं । कोरोना संक्रमणका कारण बुटवल महानगरपालिका वडा नं १८ का अध्यक्षको निधन भएको छ ।

कोरोना संक्रमण पुष्टि भएपछि ७२ वर्षीय वडा अध्यक्ष हुमानाथ आचार्यको काठमाडौंको ह्याम्स अस्पतालमा उपचारका क्रममा मंगलबार बिहान मृत्यु भएको हो ।

उपमहानगरका प्रवक्ता रामप्रसाद रेग्मीका अनुसार कोरोना संक्रमणपछि बुटवलमा उपचार गराइरहेका उनको अवस्था गम्भीर हुँदै गएपछि थप उपचारका लागि काठमाण्डौं ल्याइएको थियो ।

मधुमेहको समेत समस्या रहेका वडाअध्यक्ष आर्चायले गत बैशाखमा कोरोना भाइरसविरुद्धको भेरोसेल खोप लगाएको र दोस्रोमात्राको खोप भने लगाउन नपाएको बताइएको छ ।