हामी सबैकाे संसारन्यूज

२४ असार, काठमाडौं । भारतमा कोरोना संक्रमित निरन्तर घट्दै गएपनि अझै पनि केही राज्यमा निशेधाज्ञा जारी नै रहेको छ ।

भारतमा बुधबार ४५ हजार ७२४ जनामा कोरोना संक्रमण पुष्टि भएको छ । भारतमा केहीसातायता निरन्तर घट्दै आएको कोरोना संक्रमण पुनः बढ्दै गएको पाइएको छ । समाचार ऐजेन्सीका अनुसार भारतमा ५ जुलाईमा ३४ हजारमा संक्रमण देखिएकोमा ६ र ७ जुलाईमा भने १० हजार बढीले वृद्दि भएको पाइएको छ ।

त्यसैगरी बुधबार ४४ हजार ५०६ जना कोरोना संक्रमण मुक्त भएका छन् भने ८१९ जनाले ज्यान गुमाएका छन् । भारतमा संक्रमित हुनेको संख्या निरन्तर घट्दै गएपनि मृत्यु हुनेको संख्यामा भने कमी हुन सकेको छैन ।

भारतमा हालसम्म ३ करोड ७ लाख मानिसहरु कोरोनाबाट संक्रमित भइसकेका छन् भने २ करोड ९८ लाख निको भएका छन् । कूल संक्रमित मध्ये हालसम्म ४ लाख ५ हजारले ज्यान गुमाएका छन् ।

त्यस्तै हाल भारतमा ४ लाख ५४ हजारको उपचार भइरहेको छ ।

८ राज्यमा पूर्ण र २३ राज्यमा आंशिक लकडाउन
भारतका ८ राज्यमा अझै पनि लकडाउन सरह कडा निशेधाज्ञा जारी गरिएको छ । समाचार ऐजेन्सीका अनुसार पश्चिम बंगाल, हिमांन्चल प्रदेश, झारखण्ड, उडिसा तमिलनाडु, मिजोरम, गोवा र पदचुरीमामा लकडाउन सरह प्रतिबन्ध लगाइएको छ ।

त्यस्तै केन्द्र शाषित २३ राज्यमा आशिंक लकडाउन जारी गरिएको छ । कर्णाटक, केरला, बिहार, दिल्ली, महाराष्ट्र, राजस्थान, उत्तर प्रदेश, हरियाण, मध्यप्रदेश, जम्मु कश्मिर, लद्दाख, अरुणान्चल प्रदेश, पंजाव, उत्तरता खण्ड, सिक्किम, मेघालय, नागाल्याण्ड, आसाम, त्रिपुरा, मणिपुर, आन्ध्र प्रदेश र गुजरातमा आंशिक लकडान जारी रहेको छ ।