Sansar News
२६ असार, काठमाडौँ । नेकपा एमालेको विवाद समाधान कार्यदलको बैठक सिंहदरबारमा सुरु भएको छ।
दुई बजे बस्ने भनिएको कार्यदलको बैठक ढिलोसम्म पनि सुरु हुन नसक्दा वरिष्ठ नेता माधवकुमार नेपाल समूहका नेताहरु बैठक छाडेर हिडेका थिए ।
नेता नेपालसँग छलफल गर्न भन्दै बैठकबाट बाहिरिएका उनीहरु कोटेश्वर पुगेका थिए । माधव पक्ष नेताहरु कोटेश्वरबाट फर्किएसँगै कार्यदलको बैठक सिंहदरबारस्थित अर्थ मन्त्रालयमा सुरु भएको छ ।
शुक्रबारको बैठकले आन्तरिक विवाद करिब टुंङ्ग्याउने गरी ५ बुँदे सहमति जुटेको र उक्त सहमतिलाई भाषिक पूर्णता दिइ आज सार्वजनिक गर्ने बताइएको छ ।
सांगठानिक रुपमा दुईपक्षबीच धेरै कुरामा सहमति जुटेको दाबी गरिएपनि अध्यक्ष केपी शर्मा ओली र वरिष्ठ नेता नेपालका बीच शक्ति बाँडफाँटमा कुरा मिलिसकेको छैन।
वि.सं.२०७८ असार २६ शनिवार १७:४० मा प्रकाशित
