Sansar News
२७ असार, काठमाडौं । आज देशका पाँच प्रदेशका केही स्थानमा मध्यम देखि भारी वर्षाको सम्भावना रहेको छ ।
मौसम तथा पूर्वानुमान महाशाखाका अनुसार आज दिउँसो प्रदेश १, बागमती , गण्डकी , कर्णाली र सुदूरपश्चिम प्रदेशका थोरै स्थानहरुमा मेघ गर्जन÷चट्याङ्ग सहित भारी/धेरै भारी वर्षाको सम्भावना रहेको छ ।
त्यस्तै राती पनि प्रदेश १, बागमती, गण्डकी प्रदेश र सुदुर पश्चिम प्रदेशका का थोरै स्थानहरुमा मेघगर्जन\चट्याङ्ग सहित भारी\धेरै भारी वर्षाको सम्भावना रहेको महाशाखाले जनाएको छ ।
त्यसैगरी डडेल्धुरा, गैबडे र आसपासका क्षेत्रमा पछिल्लो ३ घण्टा भारी वर्षा भएको र थप हुन सक्ने भएकाले सो क्षेत्र भई बहने साना नदिहरुमा आकस्मिक बहाब र भिरालो जमिनमा पहिरो जान सक्ने हुदा दिउसो सम्मै सतर्क रहन पनि जल तथा मौसम विज्ञान विभाग बाढी पूर्वानुमान महाशाखाले अनुरोध गरेको छ ।
वि.सं.२०७८ असार २७ आइतवार ०८:३२ मा प्रकाशित
