Sansar News
२७ असार, काठमाडौं । कोरोना संक्रमणबाट बागमती प्रदेशमा थप ७ जनाको मृत्यु भएको छ ।
प्रदेशको सामाजिक विकास मन्त्रालयका अनुसार शनिबार चितवनका ६२ र ६५ वर्षीय २ पुरुष, काठमाडौैंका ७२ र ३३ वर्षीय २ पुरुष तथा ललितपुरका ७३ वर्षीय, रामेछापका ७८ वर्षीय र सिन्धुपाल्चोकका ५४ वर्षीय पुरुष गरी ७ जनाको मृत्यु भएको हो ।
शनिवार थपिएका ७ जनासँगै प्रदेशमा हालसम्म कोरोना संक्रमणबाट ज्यान गुमाउनेको संख्या ३९०८ पुगेको छ ।
त्यसैगरी प्रदेशमा शनिबार पिसीआर र ऐन्टीजेन गरी ४७१८ नमुना परीक्षण गरिएकोमा ७९२ जना संक्रमित थपिएका छन् । मन्त्रालयका अनुसार शनिबार काठमाडौं, ललितपुर र चितवनमा बढी संक्रमित थपिएका हुन् ।
शनिबार थपिएका ७९२ जनासँगै प्रदेशमा हालसम्म संक्रमित हुनेको संख्या ३ लाख ५१ हजार ३०६ पुगेको छ भने ३ लाख ३९ हजार ३५६ जना संक्रमण मुक्त भइसकेका छन् ।
प्रदेशका विभिन्न अस्पतालका आइसीयुमा २४० र भेन्टिलेटरमा ८५ जना उपचाररत रहेका छन् ।
वि.सं.२०७८ असार २७ आइतवार ०९:१७ मा प्रकाशित
