हामी सबैकाे संसारन्यूज

२७ असार, काठमाडौँ । ब्राजिललाई हराउँदै अर्जेन्टिनाले कोपा अमेरिका २०२१ को उपाधी जितेको छ । आइतबार विहान भएको कोपा अमेरिका २०२१ को फाइनलमा ब्राजिललाई १-० गोलले पराजित गर्दै अर्जेन्टिनाले उपाधि जितेको हो ।

खेलको २२ औँ मिनेटमा एन्जल डि मारियाले गोल गर्दै अर्जेन्टिनालाई अग्रता दिलाएको थिए । डि पाउलले दिएको लामो पासमा डि मारियाले उत्कृष्ट गोल गरेका थिए । फाइनल खेलमा एन्जल डि मारियाको उक्त गोल नै नायक सावित भयो ।

अर्जेन्टिनाले २८ वर्ष लपछि मुख्य प्रतियोगिताको उपाधि जितेको हो । पछिल्लो पटक अर्जेन्टिनाले १९९३ मा कोपाको उपाधि जितेको थियो । त्यसपछि अर्जेन्टिना चार पटक कोपा र एक पटक फिफा विश्वकपको फाइनलमा पुगे पनि उपाधिबाट बन्चित हुँदै आएको थियो ।