Sansar News
२७ असार, काठमाडौँ । आज बिहान आठ बजे बस्ने भनिएको नेकपा एमाले एकता कार्यदलको बैठक सवा नौ बजेपछि शुरु भएको छ ।
एमालेका बरिष्ठ नेता माधवकुमार नेपाल पक्षीय नेताहरुले नेता नेपालसँग कुराकानी गरेर फर्कंदा बैठक ढिलो हुन पुगेको हो । एमाले स्रोतका अनुसार जारी बैठकले टुङ्ग्याउनु पर्ने कुरा धेरै नभएपनि महत्वपूर्ण सवाल भने थाँती रहेको छ । सुरुमा ५ बुँदा र पछि ४ बुँदा थपि नौ बुँदे सहमति पत्र तयार गरिएको भएपनि सर्वोच्च अदालतमा विचाराधिन मुद्धालाई प्रभावित हुने गरी सहमतिमा शब्द पार्न नहुने माधव पक्षीय स्थायी समितिको रायलाई दृढतापूर्वक आत्मसाथ गर्न कार्यदललाई आग्रह गरिएको छ ।
माधव पक्षीय एक नेताका अनुसार पार्टी एकताका लागि सहमति गर्न लचिलो भएपनि अदालतलाई प्रभावित पार्न नहुने कुरामा स्वयम् माधव नेपालसमेतको जोड रहेकोले मस्यौदामाथि पुनर्विचार हुने बताइएको छ ।
यद्यपी कार्यदलका सदस्यहरुले आजै सहमतिको सम्भावना रहेको बताएका छन् ।
वि.सं.२०७८ असार २७ आइतवार १०:३३ मा प्रकाशित
