हामी सबैकाे संसारन्यूज

२९ असार, काठमाडौं । नेपाली कांग्रेसले सर्वोच्च अदालतले गरेको संसद बिघटन बदरको फैसलाको स्वागत गर्दै एतिहासिक फैसला भएको बताएको छ ।

नेपाली कांग्रेस लगायत ५ दलले दर्ता गरेको रिट निवेदन उपर गरेको फैसलाको स्वागत गर्दै यो फैसलाले लिक बाहिर धकेलिएको संविधानलाई ट्रयाकमा ल्याएर स्वतन्त्र न्यायपालिकाप्रतिको आस्था र विश्वासलाई थप अभिवृद्धि गरेको सभापति शेर बहादुर देउवाद्धारा जारी विज्ञप्तिमा भनिएको छ ।

‘ लोकतन्त्र र लोकतान्त्रिक संविधान रक्षाका लागि विभिन्न ढंगले आन्दोलनमा सरिक राजनैतिक दलहरू, सबै कानून व्यवसायीहरू, भ्रातृ र शुभेच्छुक संस्थाहरु, नागरिक आन्दोलन र सजग सञ्चार माध्यम एवं स्वदेश र विदेशमा रहेका सबै नेपाली दिदीबहिनी–दाजुभाइलाई बधाई ज्ञापन गर्दछु,’ अध्यक्ष शेर बहादुर देउवाले भनेका छन्,‘देश र जनताको हितमा संयम र एकतासाथ समर्पित भएर कार्य गर्न हामी सबैलाई फैसलाले अझ जिम्मेवार बनाएको छ ।’ सभापति देउवाद्धारा जराी विज्ञप्तिमा भनिएको छ ।

शभापति देउवाले यसलाई कसैले पनि ब्यक्तिगत जित–हारको बिषयका रूपमा नलिई लोकतन्त्र, लोकतान्त्रिक संविधान अनि समग्रमा देश र जनताको हितमा उपयोग गरेर जानुपर्दछ भन्ने अपील समेत गरेका छन् ।