Sansar News
२९ असार, काठमाडौं । प्रधानमन्त्री तथा एमालेका अध्यक्ष केपी शर्मा ओलीले स्थायी कमिटीको बैठक बोलाएका छन् ।
दिउँसो १ बजे बालुवाटारमा बस्ने भनिएको उक्त बैठकले केन्द्रीय कमिटीको ऐजेण्डा तय गर्ने बताइएको छ ।
एमालेले आजका लागि केन्द्रीय कमिटीको बैठक डाकेकोमा पहिले स्थायी कमिटीको बैठक बसेर केन्द्रीय कमिटीको बैठकका लागि ऐजेन्डा र मिति तय गरिने पार्टी कार्यालयका सचिव शेर बहादुर तामाङले बताएका छन् ।
एमालेको एकता प्रक्रिया अगाडि बढिसकेको अवस्थामा आफू विपक्षी गठबन्धनमा नरहने भनेर सोमबार घोषणा गरेका पार्टीका वरिष्ठ नेता माधव कुमार नेपाल पनि आजको बैठकमा सहभागी हुन सक्ने सम्भावना रहेको बताइएको छ ।
वि.सं.२०७८ असार २९ मंगलवार ०८:३३ मा प्रकाशित
