Sansar News
२९ असार, काठमाडौं । बागमती प्रदेशमा सोमबार थप ४ जना कोरोना संक्रमितको मृत्यु भएको छ ।
प्रदेशको सामाजिक विकास मन्त्रालयका अनुसार ललितपुरका ८५ वर्षीय, काठमाण्डौंका ८८ वर्षीय, नुवाकोटकी ३५ वर्षीया महिला र रसुवाका ४७ वर्षीय पुरुष गरी ४ जनाको मृत्यु भएको हो ।
सोमवार थपिएका ४ जनासँगै प्रदेशमा हालसम्म मृत्यु हुनेको संख्या ३९१७ पुगेको छ ।
त्यसैगरी प्रदेशमा सोमबार पिसीआर र ऐन्टिजेन गरी ४९६१ नमुना परीक्षणमा ८९६ जनामा संक्रमण पुष्टि भएको छ । आइतवारको तुलनामा सोमवार संक्रमति हुनेको संख्या केही बढी हो ।
सोमवार थपिएका ८९६ जनासँगै प्रदेशमा कोरोना संक्रमित हुनेको संख्या ३ लाख ५२ हजार ९१६ पुगेको छ । कूल संक्रमित मध्ये ३ लाख ४० हजार ४९३ जना निको भएका छन् ।
वि.सं.२०७८ असार २९ मंगलवार ०९:०३ मा प्रकाशित
