हामी सबैकाे संसारन्यूज

२९ असार, काठमाडौं । अमेरिकाबाट ल्याइएको जोनसन एण्ड जोनसन खोप साउन ४ देखि ६ गतेसम्म लगाउन पाइने भएको छ ।

स्वास्थ्य तथा जनसंख्या मन्त्रालयका अनुसार अमेरिकाको कोभ्याक्स कम्पनीको जोनसन एण्ड जोनसन खोप स्वास्थ्य कार्यालय र काठमाडौं महानगरपालिकाको संयोजनमा लगाउने भएको हो ।

कस्ता व्यक्तिले लगाउन पाउँछन् त ?
मन्त्रालयका अनुसार जोनसन एण्ड जोनसन खोप ५० देखि ५४ वर्ष उमेर समुहका कोभिड १९ विरुद्धको पहिलो मात्रा खोप लगाउन बाँकी सबै नागरिक, पूर्ण र अति अशक्त अपाङ्गता (वर्ग क र ख) भएका नागरिकहरु, हाल नेपालमा बसोबास गरेका शरणार्थीहरु, स्वास्थ्य संस्थामा कार्यरत स्वास्थ्यकर्मी र सरसफाईकर्मीहरु (यस अघिको अभियानहरुमा खोप लगाउन छुट भएका) हरुलाई लगाइनेछ ।

मन्त्रालयको असार २८ गतेको निर्णय अनुसार खोप उपलब्धताका आधारमा २९ गतेदेखि नै खोप अभियान सन्चालन गर्न अनुरोध गरिएको छ ।

साउन ४ देखि ६ गतेसम्म लगाइने उक्त खोप अभियानका लागि काठमाडौं महानगरपालिकाभित्र २५ वटा खोप केन्द्र तोकिएको छ । खोप अभियानको जिल्ला प्रशासन कार्यालयले अनुगमन गर्नेछ भने प्रहरी र शसस्त्र प्रहरीले सुरक्षा व्यवस्थाको संयोजन गर्ने बताइएको छ ।

यी हुन् काठमाडौं महानगरमा तोकिएका खोप केन्द्रहरु

भेरोसेल खोप लगाउने लक्षितवर्गहरु

स्वास्थ्य मन्त्रालयले ५५ वर्ष र सो माथिका उमेर समुहमा कोभिड विरुद्धको पहिलो खोप लगाउन बाँकी सबै नागरिकहरुलाई भेरोसेल खोप लगाइने जनाइएको छ ।
मन्त्रालयद्धारा जारी सूचना अनुसार विश्वविद्यालय, विद्यालयका प्राध्यापक, शिक्षक, कर्मचारीहरु, सार्वजनिक यातायातमा कार्यरत चालक र सहचालकहरु तथा नेपाल सरकारले तोकेका अत्यावस्यक सेवामा संलग्न खोप लगाउन बाँकी रहेका व्यक्तिहरु तथा खोप अनिवार्य गरेका देशमा जाने नेपाली नागरिकहरुमा यो खोप लगाइने छ ।