Sansar News
३१ असार, काठमाडौं । स्वास्थ्य तथा जनसंख्या मन्त्रालयले बजारमा आएका कोरोना गार्ड जस्ता भ्रमपूर्ण उपकरणहरुबाट सर्तक रहन अनुरोध गरेको छ ।
मन्त्रालयले बिहीवार एक सूचना जारी गर्दै कोरोनालाई नियन्त्रण गर्ने र निष्प्रभावी बनाउने भन्दै बिक्रिमा ल्याइएका विधुतीय यन्त्रहरु नकिन्न अनुरोध गर्दै विज्ञापनमा भनिएजस्तो त्यस्ता यन्त्रहरुले कोरोना भाइरसलाई निस्तेज बनाउने वा सो यन्त्रको प्रयोग गरेर मास्क लगाउनु नपर्ने भन्ने कुरा भ्रामक र तथ्यहीन रहेको भन्दै मन्त्रालयले सचेत बनाएको हो ।
‘अहिलेसम्म कोभिड १९ लाई यसरी नियन्त्रण गर्ने कुनै प्रबिधिको विकास भएको छैन बजारमा चलिरहेको हल्लाको पछाडि नलागौं ।’ मन्त्रालयद्धारा जारी सूचनामा भनिएको छ ।
मन्त्रालयले खोप लगाउने, मास्कको सधै प्रयोग गर्ने तथा स्वास्थ्य सुरक्षाका सबै मापदण्डहरुको पालना गरेर मात्र कोरोनाबाट बच्न सकिने बैज्ञानिक उपाय रहेको बताएको छ ।
वि.सं.२०७८ असार ३१ बिहीवार १४:२८ मा प्रकाशित
