हामी सबैकाे संसारन्यूज

असार ३१, काठमाडौं । तत्कालिन नेपाल कम्युनिष्ट पार्टी (नेकपा)मा विभाजन हुँदा सत्ताको लोभमा केपी शर्मा ओलीको फेरो समातेका रामबहादुर थापा ‘बादल’ नेतृत्वको समूह अहिले निकै अप्ठ्यारोमा पुगेको छ । एकातिर सत्ताबाट ओली बाहिरिनु र अर्कोतिर पार्टीभित्रै गम्भिर खालको विभाजनको स्थिति देखा पर्नुले बादल समूह अप्ठ्यारोमा परेको हो । सत्ताबाट बाहिरिएसँगै बादल समूहलाई साथ दिने नेता तथा कार्यकर्ताले पनि पूर्व पार्टी खोज्न थालेका छन् ।

अहिले एमालेमा ओली पक्ष एक पछि अर्को गर्दै कमजोर बनिरहेको छ । एकातिर पार्टी विभाजन हुने अवस्थामा पुग्नु र अर्कोतिर सत्ताबाट बाहिरिनुले ओली पक्षको भविष्य थप अन्यौंलपूर्णं देखिन्छ । यस्तोमा ओली पक्षको फेरो समातेको बादल समूह निकै अप्ठ्यारोमा परेको छ ।

एमालेभित्रै रहेर पनि आफुँलाई एमाले हुँ भन्न डराउने बादल समूहलाई एमाले विभाजन हुँदा कता लाग्ने ? अवस्था अन्यौंलपूर्णं छ । ओली पक्षले आफुँ खाँटी एमाले हुँ भन्दै हिँडेको छ भने माधवकुमार नेपाल नेतृत्वको पक्ष कम्युनिष्ट एकताको पहलमा लागेको देखिन्छ । यस्तोमा आफुँलाई एमाले नभई नेकपाको लिगेसी बोकेको बताउने बादल समूह कता जाने अन्यौंलमा छ ।

आफैंभित्र विभाजित छ बादल समूह

तत्कालिन समय मन्त्रि बन्ने दौडधुपमा ओली समूह प्रवेश गरेका पूर्वमाओवादी नेताहरुका पृष्ठभूमि फरक–फरक छ । फरक–फरक पृष्ठभूमिको कारण उनीहरुबीच बुझाईमा एकरुपता छैन् । एमालेमा रहेका उनीहरुबीच स्वभाविक एकता पनि छैन् ।

जसको कारण देख्दा समूहगत देखिए पनि अधिकांश नेताहरु व्यक्तिगत डिल गर्नुपर्ने अवस्थामा छन् । व्यक्तिगत डिल गर्नुपर्ने अवस्थाका कारण एमालेभित्र उनीहरुको हैसियत कमजोर छ । व्यक्तिगत डिल गर्नुपर्ने अवस्थाका कारण तत्कालिन समय एमालेभित्र निश्चित नेता मात्रै स्थायी कमिटीमा समेटिएका थिए । पृष्ठभूमिभन्दा ओलीसँगको डिलका आधारमा उनीहरुले जिम्मेवारी पाएका छन् ।

मन्त्री बने पनि स्थायी समितिमा नसमेटिएसँगै प्रभु शाह, दावा लामा र गौरीशंकर चौधरीलगायत निकै असन्तुष्ट छन् । उनीहरुले यसअघि नै ओलीसँग सहकार्य गर्न नसकिनेसमेत निक्र्यौल गरेका थिए । उनीहरुले खुला रुपमै बादललाई नेता मान्नसमेत अस्वीकार गर्दै आएका छन् ।

माओवादी फर्किने सुरसारमा थिए केहि

गत जेठ ६ मा सर्वोच्च अदालतले मन्त्रीमा भएको नियुक्तीलाई बदर गरिदिएसँगै पूर्वमाओवादी समूहका केहि नेता लगत्तै माओवादी केन्द्र फर्किने सुरसार कसेका थिए । तत्कालिन समय एमालेभित्र तात्तिएको ‘जेठ २’ को मुद्दाले पनि उनीहरु बाध्यबस एमाले छाड्ने अवस्थामा थिए । तर, माओवादी केन्द्र फर्किने उनीहरुको योजना माओवादीका अध्यक्ष पुष्पकमल दाहाल ‘प्रचण्ड’ले अस्वीकार गरेसँगै असफल भएको थियो ।

टोपबहादुरको अनुरोध प्रचण्डले अस्वीकार गरेपछि…

माओवादी केन्द्र फर्किन गरेको अनुरोधको नालिबेली सार्वजनिक भएसँगै नेता टोपबहादुर रायमाझीले गत जेठ २४ मा विज्ञप्ती नै निकालेर आफ्नो बचाउ गरेका थिए । उनले माओवादी केन्द्रको भविष्य नरहेको भन्दै आफुँ एमालेमै नरहने बताएका थिए ।

धेरै कार्यकर्ता माओवादी केन्द्र फर्किँदै

तत्कालिन समय ओली पक्षमा लाग्दै गर्दा बादललाई उनकै स्वकीय सचिवालयका अधिकांश नेताहरुले साथ दिएका थिएनन् । मोहन वैद्य ‘किरण’ नेतृत्वको माओवादी हुँदै माओवादी केन्द्र फर्किएका अधिकांश नेताले पनि उनलाई छाडेका थिए । अहिले सरकारबाट बाहिरिएसँगै उनीसहितको समूहको पछाडि देखिएको कार्यकर्ता समूह पनि पूर्वपार्टी तिरै फर्किने तयारीमा जुटेको छ ।

बताइएअनुसार बादल समूहमा देखिएको विद्यार्थी र युवाको समूह माओवादी केन्द्र फर्किन छलफलमा छ । यसअघि एमालेमा विद्यार्थी र युवाको समूहलाई निकै अपमानित रुपमा व्यवहार गरिएको थियो । एमालेमा विद्यार्थी र युवा समूह पुनर्गठन गर्दा माधव पक्षलाई पाखा लगाई जस्तै उनीहरुलाई पनि वेवास्ता गरिएको थियो । बादल समूहमा देखिएको पत्रकारको टिमलाई पनि एमालेमा वेवास्ता गरिएसँगै केहि पत्रकारका नेताहरु तत्कालै माओवादी केन्द्र फर्किएका थिए ।

याे पनि …

प्रचण्डले भेट्न नदिँदाको त्यो आक्रोश…

पूर्व माओवादीहरुको राेइलाे : ओलीले डुबाए, डुबाए !

माओवादी केन्द्र खारेजीको प्रक्रिया अघि बढाउन निर्वाचन आयोग पुग्यो बादल समूह