Sansar News
असार २५, काठमाडौं । नेकपा माओवादी केन्द्र खारेजीको माग गरिरहेका नेकपा (एमाले)को रामबहादुर थापा ‘बादल’ समूहका नेताहरु निर्वाचन आयोग पुगेका छन् ।
माओवादी केन्द्र खारेजी माग राख्दै आएका उनीहरु प्रक्रियाका सन्दर्भमा छलफल गर्न आयोग पुगेका हुन् । शुक्रबार दिउँसो एमालेका स्थायी समिति सदस्यहरु टोपबहादुर रायमाझी, मणि थापा, प्रभु साह, गौरीशंकर थारुलगायतका नेताहरु आयोग पुगेका हुन् ।
माओवादी छाडेर एमाले गएको पूर्वमाओवादी नेताहरूको समूहले असार २३ गते आयोगमा माओवादीले लामो समयदेखि महाधिवेशन नगरेको भन्दै दल दर्ता खारेजीको निवेदन दिएका थिए। आफुँहरुले दिएको निवेदनमाथि कारबाही नबढेको भन्दै आयोग पुगेको नेता प्रभु शाहले जानकारी दिए ।
सम्बन्धित समाचार
एमालेभित्रका पूर्वमाओवादी समूहको माग : माओवादी केन्द्र अवैधानिक छ, खारेज हुनुपर्छ !
यस्तो छ माओवादी केन्द्र खारेजीको माग गर्दै आयोगमा परेको निवेदन
वि.सं.२०७८ असार २५ शुक्रवार १३:३९ मा प्रकाशित
