हामी सबैकाे संसारन्यूज

३१ असार । पछिल्ला दिनमा विश्वमै पेट्रोलियम पदार्थको मुल्यवृद्धि रफ्तारमा बढीरहेको छ । नागरिक कोरोनाकहरमा घरमै बसिरहँदा पनि पेट्रोलियम पदार्थको मूल्यवृद्धि आकाशिएको छ । मोटरसाइकल चढ्नेहरुहरुलाई पेट्रोलमा धेरै पैसा खर्च गर्न परेको छ । यस्तो महँगो पेट्रोल हाल्नु पर्ने मोटरसाइलक/स्कुटरले धेरै तेल खाँदा झनै टेन्सनको विषय हुने भैहाल्यो । यदि तपाईले चलाउँदा केही बिचार पु¥याउनु भयो भने कम पेट्रोलबाट पनि धेरै यात्रा गर्न सक्नुहुनेछ ।

जानौँ केही टिप्स :
१) स्पीडको ध्यान राखुँ –सवारी साधन चलाउँदा एउटै स्पीडमा चलाउनु राम्रो हो, लगातार गियर परिवर्तन गर्दा धेरै तेलको खपत हुन्छ ।
२) ओवर लोडसेडिङ्ग नगर्ने – ओवर लोड हुने बित्तिकै सवारी साधनको इन्जिनमा बढी दबाब पर्दछ, यस्तोमा पेट्रोल बढी खर्च हुन्छ ।
३) सकेसम्म दुई पाङ्ग्रे साधननै प्रयोग गरुँ । चार पाङ्ग्रेले भन्दा दुई पाङ्ग्रेले कम पेट्रोल खाने हुँदा सम्भव भएसम्म दुई पाङ्ग्रे सवारी साधन चलाउने ।
४) टायरमा हावाको जाँच गर्नुस् – टायरमा हावा कम भयो भने गाडीको माइलेज घट्दछ । गर्मीमा यस्तो समस्या बढी आउँछ । त्यसैले हप्तामा एकपटक टायरमा हावा छ की छैन जाँच गर्नुस् ।
५) बाइकलाई चर्को घामबाट बचाउनु पर्दछ । पेट्रोल ताप्दा बढी खर्च हुन्छ । सम्भव भएसम्म छायाँमा राखुँ ।
६) इकोेनोमी मोडमा चलाउने गर्नुहोस् – सबै दुई पाङ्ग्रे सवारी साधनको स्पीडोमिटरमा इकोनोमी मोडको सुविधा हुन्छ । यो मोडमाा बाइक चलाउँदा धेरै माइलेज दिन्छ ।
७) एयर फिल्टर नियमित सफा राखुँ – बाइकको इन्जिनमा हावा एयरफिल्टरको माध्यम जान्छ । फोहर फिल्टरबाट इन्जिनलाई पर्याप्त हावा पुग्दैन । यसबाट बाइकको माइलेजमा असर पर्दछ ।
८) सवारी साधनलाई लामो समयसम्म रोक्न परेमा सवारी साधनको इन्जिन बन्द गर्नुहोस् ।
९) सवारी साधनमा अनावश्यक एक्सिलरेटर तान्ने र छोड्ने नगर्नुहोस् । यसरी एक्सिलरेटर तान्ने र छोड्ने गरेमा इन्धन बढी खपत हुन्छ ।
१०) समयमै सर्भिस गर्न जरुरी –माइलेज बढाउन समय समयमा बाइकको सर्भिस गराउनु जरुरी हुन्छ । इन्जिन आयल पनि एक नियमित चेकजाँच गरिरहनु पर्दछ ।