Sansar News
असार ३१, काठमाडौं । नेकपा (एमाले)का अध्यक्ष एवं संसदीय दलका नेता केपी शर्मा ओलीले संसदीय दलको बैठक बोलाएका छन् । उनले शुक्रबार दिउँसो तीन बजेका लागि संसदीय दलको बैठक बोलाएका हुन् ।
एमाले संसदीय दलका प्रमुख सचेतक विशाल भट्टराईका अनुसार बैठक बानेश्वरस्थित संसद भवनको ल्होत्से हलमा बोलाइएको छ । बैठकमा वरिष्ठ नेता माधवकुमार नेपाल पक्षका सांसदहरुलाई पनि सूचना पठाइएको उनले जनाए ।
एमालेको माधव पक्षीय सांसदहरुले कांग्रेस सभापति शेरबहादुर देउवाको पक्षमा हस्ताक्षर गर्दै सर्वोच्चमा रिट दायर गरेका थिए । सर्वोच्चको आदेशसँगै ओली पदमुक्त भएका थिए भने देउवा प्रधानमन्त्रीमा नियुक्त भएका थिए ।
ओलीले आफ्नैविरुद्व देखिएका सांसदलाई समेत बैठकमा बोलाउनुलाई अर्थपूर्णं रुपमा लिइएको छ । एमाले संसदीय दलका प्रमुख सचेतक भट्टराईले भने संसद अधिवेशनको पूर्वसन्ध्यानमा संसदीय दलको बैठक बोलाउने प्रचलनअुनसार नै बैठक बोलाइएको र माधव पक्षलाई पनि निम्तो पठाइएको बताएका छन् ।
वि.सं.२०७८ असार ३१ बिहीवार १५:१० मा प्रकाशित
