हामी सबैकाे संसारन्यूज

३१ असार, काठमाडौँ । यूनाइटेड इन्स्योरेन्स कम्पनी अर्ब क्लबमा प्रवेश गर्न सफल भएको छ । कम्पनीले आर्थिक वर्ष २०७७ ०७८ को अन्त्यसम्ममा एक अर्ब रुपैयाँ माथिको बीमा शुल्क आर्जन गर्न सफल हो ।

कम्पनीको संचालक समितिका अध्यक्ष रवि भक्त श्रेष्ठ तथा प्रमुख कार्यकारी अधिकृत उपासना पौडेलको नेतृत्वकोे पहिलो वर्षमा नै व्यवस्थापन लगायत कर्मठ कर्मचारीहरुको सामूहिक प्रयासबाट अघिल्लो आर्थिक वर्षमा रु ६९ करोड बीमाशुल्क आर्जनको तुलनामा यस आर्थिक वर्षको बीमाशुल्क आर्जनमा उल्लेखनीय वृद्धि हासिल भएको कम्पनीले जनाएको छ ।

निरन्तर गुणस्तरिय विस्तार, शाखा विस्तार, डिजिटाइजेसनको प्रयोग, नयाँ बजार प्रबर्दन रणनीति, संगठनात्मक संरचनामा सुधार जस्ता क्रियाकलाप मार्फत यो सफलता हासिल गर्न सफल भएको कम्पनीले जनाएको छ ।