हामी सबैकाे संसारन्यूज

३१ असार, काठमाडौं । उपत्यकामा थप एक साताका लागि निषेधाज्ञा थप गरिएको छ ।

काठमाडौं, भक्तपुर र ललितपुर जिल्लाका प्रमुख जिल्ला अधिकारीहरुको आज बसेको बैठकले कोरोना रोकथाम तथा नियन्त्रणका लागि उपत्यकामा थप एकसाता निषेधाज्ञा थप गर्ने निर्णय गरेको हो ।

यसअघि सबैथरी व्यवसाय बेलुकी ६ बजेसम्म सन्चालन गरिँदै आएकोमा साउन १ गतेदखि भने थप १ घण्टा बढाएर बेलुकी ७ बजेसम्म खोल्न पाइने भएको छ ।

विगतमा जस्तै सिनेमा हल, पार्टी प्यालेस डान्सबार, दोहोरी, नाचघर, क्लब, स्वीमिङ पुल मनोरन्जन स्थल, स्ैलुन, व्युटी पार्लर, हेल्थ क्लवफुटसल, जिमखाना, संग्रहालय, रंगशाला लगायतका भिडभाड हुने स्थल तथा भौतिक उपस्थितिमा विद्यालय सन्चालन गर्न पाइने छैन ।

त्यस्तै काठमाडौं उपत्यकाभित्र सन्चालन हुने सार्वजनिक सवारी साधनहरु स्वीकृत सिट क्षमताअनुसार चलाउनु पर्ने बताइएको छ ।