हामी सबैकाे संसारन्यूज

३१ असार, काठमाडौं । गण्डकी प्रदेशमा आज कोरोना संक्रमणबाट ६ जनाको मृत्यु भएको छ ।

प्रदेशको स्वास्थ्य निर्देशनालयका अनुसार प्रदेशमा आज नवलपरासीपूर्वका ३, स्याङजा, कास्की, र पर्बतका १/१ जना गरी ६ जनाको मृत्यु भएको हो । प्रदेशमा बुधबार मृतकको संख्या शून्य रहेकोमा आज बिहीवार ६ जनाको मृत्यु भएको हो ।

बिहीवार थपिएका ६ जनासँगै प्रदेशमा हालसम्म ज्यान गुमाउनेको संख्या १०१४ पुगेको छ ।

त्यसैगरी प्रदेशमा बिहीवार म्याग्दीमा ५, पर्बतमा १, गोरखामा ३९, लमजुङमा ९, तनहुँमा १७, कास्कीमा १८२, वाग्लुङमा २६, स्याङजामा २१ र नवलपरासीपूर्वमा ६० जना गरी ३६० जना नयाँ संक्रमित थपिएका छन् । ती मध्ये १७७ जना महिला र १८३ जना पुरुष रहेका छन् । साथै आज प्रदेशमा १७३ जना निको भएका छन् ।

बिहीवार थपिएका ३६० जनासँगै प्रदेशमा हालसम्म ६० हजार ५१८ जनामा कोरोना संक्रमण पुष्टि भएको छ भने ती मध्ये ५६ हजार ६९६ जना निको भइसकेका छन् ।

प्रदेशमा हाल २८०९ सक्रिय संक्रमित रहेका छन् । ती मध्ये होम आइसोलेशनमा २७११ जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।