हामी सबैकाे संसारन्यूज

असार ३१, काठमाडौं । नेकपा (एमाले)का अध्यक्ष एवं संसदीय दलका नेता केपी शर्मा ओलीले बोलाएको संसदीय दलको बैठकमा जाने वा नजाने भन्ने विषयमा माधव पक्ष विभाजित देखिएको छ । माधव पक्षको मुख्य समूह बैठकमा नजाने निर्णयमा पुगेको छ भने अर्को समूह बैठकमा उपस्थित हुनुपर्ने निर्णयमा देखिएको छ ।

सांसद विरोध खतिवडाले जनाएअनुसार समझदारी विना बोलाईने कुनै पनि बैठकमा माधव पक्ष उपस्थित हुँदैन् । उनले जनाएअनुसार शुक्रबार बोलाइएको बैठकमा पनि माधव पक्षको उपस्थिति हुँदैन् ।

‘समझदारी नभई बोलाईने बैठकमा हामी सहभागी हुँदैनौं’, खतिवडाले भने, ‘भोली बोलाइएको बैठक पनि उहाँहरुको आफ्नो बैठक हो, हामी जाँदैनौं ।’

याे पनि…

ओलीले बोलाएको संसदीय बैठकमा माधव पक्ष नजाने, यस्तो छ माधव पक्षको निर्णय

तर, माधव पक्षीय नेता घनश्याम भुसालले भने शुक्रबारको बैठकमा आफुँहरु सहभागी हुने बताएका छन् । एमाले विवाद समाधान कार्यदलका सदस्यसमेत रहेका उनले बैठकमा नजाने भन्ने प्रश्नै नआउने बताए ।

‘एमाले हामी सबैले बनाएको र यहाँ सम्म ल्याएको पार्टी हो । त्यो पार्टीलाई जोगाउन नै यो हदसम्मको प्रयास भएको अवस्था छ,’ एक अनलाईनसँगको कुराकानीमा भुसालले भनेका छन्, ‘कस्तो अवस्थामा त संसदीय दलको बैठकमा गयौँ भने अहिले नाजाने भन्‍ने प्रश्न नै हुँदैन । हामी जान्छौ सक्रिय । रूपमा सहभागी हुन्छौ । कुरा राख्छौँ, छलफल गर्छौँ ।’

पुनःस्थापित प्रतिनिधि सभामा एमालेको भूमिकाबारे छलफल गर्न ओलीले शुक्रबार संसदीय दलको बैठक बोलाएका छन् । उनले माधव पक्षीय सांसदलाई पनि बैठकमा उपस्थितिको लागि निम्तो पठाएका छन् ।

सम्बन्धित समाचार

ओलीले बोलाए एमाले संसदीय दलको बैठक, माधव पक्षलाई पनि निम्तो