Sansar News
२ साउन, काठमाडौं । नेपालमा आज १८७५ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ६८५८ पिसीआर र ३२०८ ऐन्टिजेन गरी १०,०६६ वटा नमुना परीक्षणमा १८७५ जना संक्रमित थपिएका हुन् । शुत्रवारको तुलनामा शनिवार संक्रमितको संख्या केही घटेको छ ।
त्यस्तै पछिल्लो २४ घण्टामा भक्तपुरमा ५२, ललितपुरमा ७७ जना र काठमाडौंमा २९९ जना गरी उपत्यकामा आज ४२८ जना संक्रमित थपिएका छन् ।
नेपालमा हालसम्म ३४ लाख ६३ हजार ०५७ पिसीआर र २ लाख ५९ हजार ८३१ विधिबाट गरीएको ३७ लाख २२ हजार ८८८ नमुना परीक्षणमा हालसम्म ७ लाख १४ हजार २१८ जना संक्रमित भएका छन् ।
त्यसैगरी पछिल्लो २४ घण्टामा देशैभरी २१६४ जना कोरोना संक्रमणबाट मुक्त भएका छन् । आज निको भएका २१६४ जनासँगैै नेपालमा कोरोना संक्रमणबाट मुक्त हुनेको संख्या ६ लाख ३० हजार ४०७ जना निको भइसकेका छन् ।
त्यस्तै पछिल्लो २४ घण्टामा २१ जना कोरोना संक्रमितको मृत्यु भएको छ । आज थपिएका ४३ जनासँगै नेपालमा हालसम्म ज्यान गुमाउनेको संख्या ९,५२७ पुगेको मन्त्रालयद्धारा जारी विवरणमा उल्लेख छ ।
मन्त्रालयका अनुसार नेपालमा हाल २५ हजार ९५२ जना संक्रिय संक्रमित रहेका छन् । तीमध्ये होम आइसोलेशनमा २३ हजार ४७७ र संस्थागत आइसोलेशनमा २,४७५ जना रहेका छन् ।
त्यस्तै देशैभरीका विभिन्न अस्पतालका आइसीयुमा ५८३ र भेन्टिलेटरमा १७६ जनाको उपचार भइरहेको छ ।
वि.सं.२०७८ साउन २ शनिवार १७:५३ मा प्रकाशित
