हामी सबैकाे संसारन्यूज

३ साउन, काठमाडौं । हाल मनसुनको न्यून चापिय रेखा नेपालको तराई भू–भागतिर नजिकै रहेको कारण देशका विभिन्न भू–भागमा सामान्य देखि भारी वर्षा भइरहेको छ ।

आज दिउँसो प्रदेश १, बागमती, गण्डकी, लुम्बिनी, कर्णाली तथा सुदुरपश्चचिम प्रदेशका थोरै स्थानहरुमा मेघगर्जन/चट्याङ्ग सहित भारी वर्षाको सम्भावना रहेको छ। साथै सुदुरपश्चिम प्रदेश तथा लुम्बिनी प्रदेशका एक वा दुई स्थानहरुमा धेरै भारी वर्षाको सम्भावना रहेको पनि मौसम पूर्वानुमान महाशाखाद्धारा जारी सूचनामा बताईएको छ।

त्यस्तै राति प्रदेश १, गण्डकी, लुम्बिनी र सुदूरपश्चिम प्रदेशका थोरै स्थानहरुमा मेघगर्जन÷चट्याङ्ग सहित भारी वर्षाको सम्भावना रहेको महाशाखाले जनाएको छ ।

यस्तो छ आजको बाढी सूचना
त्यस्तै आज महाकाली, कर्णाली, कोशी र यिनका सहायक नदीहरु भेरी, सेती, सुनकोशी, भोटेकोशी र तामाकोशी लगायतका नदीहरुमा बहाव उल्लेख्य रुपमा बढ्ने र केहीमा सतर्कता पार गर्ने हुनाले सतर्कता अपनाउन पनि बाढी पूर्वानुमान महाशाखाले अनुरोध गरेको छ ।