हामी सबैकाे संसारन्यूज

४ साउन, पोखरा । गण्डकी प्रदेशमा आज थप ६ जना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार प्रदेशमा सोमवार नवलपरासीपूर्वका २ जना र कास्की, बाग्लुङ, स्याङजा तथा मनाङका १\१ जना गरी ६जनाको मृत्यु भएको हो ।

आइतवार थपिएका ६ जनासँगै प्रदेशमा हालसम्म मृत्यु हुनेको संख्या १०३१ पुगेको छ ।

त्यस्तै प्रदेशमा आज मनाङमा १, पर्वतमा ३९, गोरखामा ४९, लमजुङमा १५, तनहुँमा २४, कास्कीमा १९७, वाग्लुङमा ७, स्याङजामा ३० र नवलपरासीपूर्वमा ५५ जना गरी ४१७ जना नयाँ संक्रमित थपिएका छन् । ती मध्ये २०४ जना महिला र २१३ जना पुरुष रहेका छन् ।

सोमवार थपिएका ३३८ जनासँगै प्रदेशमा हालसम्म ६१ हजार ९२६जनामा कोरोना संक्रमण पुष्टि भएको छ भने ती मध्ये ५८ हजार २४ जना निको भइसकेका छन् ।

प्रदेशमा हाल २८६८ सक्रिय संक्रमित रहेका छन् । ती मध्ये होम आइसोलेशनमा २६४४ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयद्धारा जारी विवरणमा उल्लेख छ ।