हामी सबैकाे संसारन्यूज

५ साउन, काठमाडौं । नेपालका लागि होण्डा मोटरसाइकल तथा स्कुटरको आधिकारिक बिक्रेता स्याकार ट्रेडिङ्ग कम्पनीले नेपाली बजारमा होण्डा ग्राजियाको नयाँ मोडल बिएसभिआइ लन्च गरेको छ ।

आकर्षक र स्टाईलिस लुक रहेको १२५ सिसिको यो नयाँ मोडलमा व्यावहारिक फिचरहरु थप गरी पूर्णरुपमा रि–डिफाइन गरिएको आयतकर्ता कम्पनीले जनाएको छ ।

१५५ एमएम देखि १७१ एमएम ग्राउण्ड क्लेरेन्स रहेको यस स्कुटरको स्पिडो मिटरमा माइलेज फिचर उपलब्ध रहेको छ । यस फिचर अन्तर्गत प्रयोगकर्ताहरुले स्कुटरले दिने रियल टाइम माइलेज, एभरेज माइलेजका साथै डिस्ट्यान्स टू एमप्टि जस्ता जानकारी प्राप्त गर्न सक्नेछन् ।

होण्डाको पिजिएम–एफआइ (प्रोग्राम फ्यूल इन्जेक्टर)टेक्नोलोजीे प्रयोग भएका कारण यस स्कुटरमा बढी माइलेज र पावर रहेको छ ।

ग्राजियाको यो नयाँ बिएसभिआइ मोडलमा सवारी जाम भएको समयमा इन्धनको बचत गर्नको लागि आइडिलिङ स्टप रहेको छ भने नयाँ बिएसभिआइ मोडलमा इन्जिन स्टार्ट/स्टप स्विच रहेको छ । यसका साथै यस स्कुटरमा साइड स्ट्याण्ड इन्जिन अफ फिचर, एसिजि सहितको साइलेन्ट स्टार्ट, इपिएस टेक्नोलोजीको साथ हिट इन्जिन जस्ता अन्य विभिन्न उपयोगि विशेषताहरु रहेको छ ।

नेपाली बजारमा ग्राजिया बिएसभिआइ मोडलको मूल्य रु.२,६९,९०० रहेको छ भने ग्राजिया बिएसभिआइ डिएसएस मोडलको मूल्य रु.२,८९,९०० रहेको छ ।