Sansar News
साउन १०, काठमाडौं । प्रधानमन्त्री शेरबहादुर देउवाले सांसद उमेश श्रेष्ठलाई स्वास्थ्य राज्यमन्त्रीमा नियुक्त गरेका छन् । प्रधानमन्त्री देउवाले स्वास्थ्य मन्त्रालयको जिम्मेवारी आफुँसँगै राखेर उनलाई राज्यमन्त्रीमा नियुक्ती गरेका हुन् ।
आइतबार राष्ट्रपति कार्यालयले एक विज्ञप्ति सार्वजनिक गर्दै श्रेष्ठ राज्यमन्त्रीमा नियुक्ती भएको जनाएको छ ।
मन्त्रिपरिषद विस्तारका विषय गठबन्धन र नेपाली कांग्रेसभित्र सहमति नजुटिरहेका बेला मन्त्रालयको कामकाग चलाउन उनले श्रेष्ठलाई राज्य मन्त्रीको रुपमा नियुक्ती गरेका हुन् । महामारीको बीच स्वास्थ्य मन्त्रालय जिम्मेवारी बिहिन बनेकोमा उनीप्रति चौतर्फी दबाब बनेको थियो ।
को हुन् राज्यमन्त्री बनेका श्रेष्ठ ?
स्वास्थ्य राज्यमन्त्रीमा नियुक्त श्रेष्ठ नेपाली कांग्रेसका समानुपातिका सांसद हुन् । उनी राजनीतिभन्दा व्यवसायीक क्षेत्रमा बढि सक्रिय छन् ।
सांसद श्रेष्ठ लिटिल एन्जल्स विद्यालयका सञ्चालक पनि हुन् । उनको लगानी विशेषतः जग्गा, बैंक, होटल र विद्यालय क्षेत्रमा रहेको छ ।
वि.सं.२०७८ साउन १० आइतवार १६:०१ मा प्रकाशित
