१४ साउन, पोखरा । कोरोना संक्रमणबाट गण्डकी प्रदेशमा बिहीवार ९ जनाको मृत्यु भएको छ ।
प्रदेशको स्वास्थ्य निर्देशनालयका अनुसार प्रदेशमा बिहीवार पर्वतका ६ जना तथा तनहुँ, बाग्लुङ र कास्कीका १\१ जना गरी ९ जनाको मृत्यु भएको हो । बिहीवार थपिएका ९ जनासँगै प्रदेशमा हालसम्म मृत्यु हुनेको संख्या १०८३ पुगेको छ । प्रदेशमा केही दिनयता मृत्यु हुनेको संख्या बढ्दै गएको छ ।
त्यस्तै प्रदेशमा आज म्याग्दीमा १८, पर्वतमा ४१, गोरखामा ३१, लमजुङमा ९, तनहुँमा २७, कास्कीमा १६८, वाग्लुङमा २१, स्याङजामा ४३ र नवलपरासीपूर्वमा ६९ जना गरी ४२१ जना नयाँ संक्रमित थपिएका छन् । ती मध्ये २०५ जना महिला र २२२ जना पुरुष रहेका छन् ।
निर्देशनालयद्धारा जारी विवरण अनुसार बिहीवार थपिएका संक्रमित मध्ये सबैभन्दा बढी कास्कीमा १६८ जना नयाँ संक्रमित थपिएका हुन् ।
बिहीवार थपिएका ४२७ जनासँगै प्रदेशमा हालसम्म ६६ हजार ७१६ जनामा कोरोना संक्रमण पुष्टि भएको छ भने ती मध्ये ६१ हजार ४०३ जना निको भइसकेका छन् ।
प्रदेशमा हाल ४२३० सक्रिय संक्रमित रहेका छन् । ती मध्ये होम आइसोलेशनमा ३९९९ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयद्धारा जारी विवरणमा उल्लेख छ ।
वि.सं.२०७८ साउन १४ बिहीवार १७:२६ मा प्रकाशित