Sansar News
२१ साउन, काठमाडौँ । विश्व ट्रेड युनियन महासंघ आर्थिक कमिटीका सदस्य तथा नेपाल राष्ट्रिय कर्मचारी महासंघका सहसंयोजक मोहनमान स्वाँरलाई मातृशोक परेको छ ।
उनकी आमा विमादेवी स्वाँरको बुधवार अपरान्ह ९६ बर्षको उमेरमा ललितपुरस्थित आफ्नै निवास टिकाथलीमा निधन भएको हो ।
उनीप्रति श्रद्वान्जली अर्पण गर्न उर्जा मन्त्रीपम्फा भूषाल, अर्थमन्त्री जनार्दन शर्मा, एमाले नेता प्रेमल खनाल, बुद्धिजीवी संगठनका संयोजक कृष्ण केसी, नीलकण्ठ तिवारी, कर्मचारी महासंघका सहसंयोजक मणिरत्न श्रेष्ठ, हरि रावल लगायत कर्मचारी महासंघका नेता कार्यकर्ताहरु पशुपति आर्यघाटमा पुगेका थिए ।
अन्तिम श्रद्धान्जलीका क्रममा पूर्ण रावलद्वारा स्व. विमादेवीको संक्षिप्त जीवनी र योगदानबारे बताइएको थियो ।
वि.सं.२०७८ साउन २१ बिहीवार ०८:५० मा प्रकाशित
