हामी सबैकाे संसारन्यूज

२९ साउन, काठमाडौं । बागमती प्रदेशमा बिहीवार थप १३ जना कोरोना संक्रमितको मृत्यु भएको छ ।

प्रदेशको सामाजिक विकास मन्त्रालयद्धारा जारी विवरण अनुसार बिहीवार काठमाडौंमा ८४, ८८ वर्षीय २ पुरुष र ४५ र ७५ वर्षीया २ महिला गरी ४ जना, ललितपुरमा ६८ र ५५ वर्षीय २ पुरुष र ७१ वर्षीया महिला गरी ३ जना, चितवनमा ५४ वर्षीय पुरुष र ५० वर्षीया महिला, भक्तपुरमा ४२ वर्षीया महिला, नुवाकोटका ७८ वर्षीय पुरुष र सिन्धुपाल्चोकका ६३ वर्षीया महिला गरी १३ जनाको मृत्यु भएको हो ।

विहीवार थपिएका १३ जनासँगै प्रदेशमा हालसम्म मृत्यु हुनेको संख्या ४ हजार १५७ पुगेको छ ।

प्रदेशमा बिहीवार ९०५० नमुना परीक्षणमा १६७३ जना नयाँ संक्रमित थपिएका छन् । साथै सोहि अवधिमा ९०२ जना संक्रमणबाट मुक्त भएका छन् ।

प्रदेशमा हालसम्म ३ लाख ९४ हजार ५९३ संक्रमित भइसकेका छन् भने सोहि अवधिमा ३ लाख ७४ हजार ९६६ जना संक्रमणबाट मुक्त भइसकेका छन् ।

प्रदेशमा हाल ४४५ जना आइसीयु र १०० जना भेन्टिलेटरमा उपचाररत छन् भने १३ हजार ४३४ जना होम आइसालेशनमा रहेका छन् ।