हामी सबैकाे संसारन्यूज

२९ साउन, काठमाडौं । सर्वोच्च अदालतले कोरोना भाइरस विरुद्धको खोप नलगाएका जेष्ठ नागरिकको घर–घरमा पुगेर खोप लगाउन सरकारका नाममा अन्तरिम आदेश जारी गरेको छ ।

न्यायाधिश प्रकाश कुमार ढुंगानाको एकल इजलासले खोप केन्द्रसम्म जान असमर्थ रहेका जेष्ठ नागरिक, दिर्घरोगी तथा फरक क्षमता भएका दुवै आँखा देख्न नसक्ने नागरिकका घर–घरमा पुगेर खोप लगाउन अन्तरिम आदेश जारी गरेको हो ।

सर्वोच्चले खोप केन्द्रमा जान असमर्थ जेष्ठ नागरिक, विस्तरामा रहेका हिँडडुल गर्न नसक्ने, अस्पतालले पहिचान गरेको दिर्घ रोगीहरु तथा फरक क्षमता भएका दुवै आँखा नदेख्ने व्यक्तिहरु समेतका लागि राज्यले वडा वडा स्तरबाटलगत संकलन गरी वा उपयुक्त अन्य माध्यमबाट पहिचान गरी घर–घरमा पुगि कोभिडको खोप सेवा ‘डोर टु डोर सर्भिस, भ्याक्सिन एट होम’ उपलब्ध गराउन आदेश जारी गरेको हो ।