हामी सबैकाे संसारन्यूज

२९ साउन, कुश्मा । पर्वत जिल्लाको सदरमुकाम कुस्मा बजारबाट सम्र्पकविहिन भएका मुस्ताङ गेस्ट हाउसका सञ्चालक गजेन्द्र तुलाचन बागलुङमा मृत अवस्थामा फेला परेका छन् ।

बिहीबारदेखि परिवारको सम्र्पकमा नरहेका ६० वर्षका तुलाचन बागलुङ नगरपालिका–१० स्थित दबल्याङमा रुखमा झुन्डिएको अवस्थामा मृत फेला परेको जिल्ला प्रहरी कार्यालय बागलुङका प्रहरी निरीक्षक विराट शर्मा पौडेलले जानकारी दिए ।

बिहीबार बिहान मर्निङ वाकका लागि निस्किएका उनी अबेरसम्म पनि नफर्किएपछि खोजी कार्य सुरु भएको थियो।  उनकी छोरी विन्दु तुलाचनले सामाजिक सञ्जालमार्फत आफ्नो बुबा बिहान ६ बजे मर्निङ वाकमा हिडेको र त्यसपछि सम्पर्कमा नआएको भन्दै खोजीका लागि अनुरोध गरेकी थिइन् ।

सम्पर्कविहीन भएलगत्तै पर्वत प्रहरीले मोबाइल ट्रेसिङ गरी तुलाचनको खोजी गरेको थियो । उनको मृत्युबारे प्रहरीले थप अनुसन्धान गरिरहेको बताइएको छ ।