हामी सबैकाे संसारन्यूज

२९ साउन, काठमाडौँ । विप्रेषण (रेमिट्यान्स)को रकम बैंकमा निक्षेपको रुपमा राखे थप १ प्रतिशत विन्दू ब्याजदर पाइने भएको छ।
गभर्नर महाप्रसाद अधिकारीद्वारा जारी नेपाल राष्ट्र बैंकको चालू आर्थिक वर्षको मौद्रिक नीति मार्फत् रेमिट्यान्सलाई प्रोत्साहन गर्न यस्तो व्यवस्था गरेको हो ।

विप्रेषण बैंक तथा वित्तीय संस्थामा राखेको अवस्थामा थप ब्याज पाउने नयाँ व्यवस्था नीतिमा गरिएको छ । गभर्नर अधिकारीका अनुसार विप्रेषण रकम बैंकिङ प्रणालीमा राखिएको सन्दर्भमा हाल पाउने ब्याजदरमा थप एक प्रतिशत बढी पाउने व्यवस्था गरिएको छ ।

‘वैदेशिक रोजगारीमा रहेका नेपालीको विप्रेषण बैंकिङ प्रणालीमार्फत् भित्र्याउन र बचत गर्न प्रोत्साहित गर्ने उद्देश्यले बैंकिङ्ग प्रणालीबाट प्राप्त हुने विप्रेषण रकम बैंक तथा वित्तीय संस्थाहरुमा जम्मा गरेमा न्यूनतम १ प्रतिशत बिन्दु थप ब्याज पाउने व्यवस्था मिलाइने छ । ’ मौद्रिक नीतिमा भनिएको छ ।

यस्तो छ राष्ट्र बैंकद्वारा जारी चालु आर्थिक वर्षको मौद्रिक नीति(पूर्णपाठ सहित)