Sansar News
साउन ३२, काठमाडौं । कुलमान घिसिङको नियुक्ति खारेजीको माग गर्दै नेपाल विद्युत प्राधिकरणका निवर्तमान कार्यकारी निर्देशक हितेन्द्रदेव शाक्य सर्वोच्च अदालत पुगेका छन् । सोमबार कुलमानको नियुक्ति बदर र आफुँलाई निर्देशक पदमै थमौति गरिपाउँ भन्दै शाक्य अदालत पुगेका हुन् ।
रिटमा शाक्यले कानुन विपरित कुलमानलाई ल्याउने काम गरिएकाे दाबी गरेका छन् । आफुँलाई हटाएको आधिकारिक पत्र नपाएको उनकाे भनाइ छ । उनले आफैंलाई कायम गर्न अन्तरिम आदेशको माग पनि गरेका छन् ।
शाक्यले प्रधानमन्त्री तथा मन्त्रिपरिषद् कार्यालय, उर्जा मन्त्रालय, उर्जामन्त्री, नेपाल विद्युत प्राधिकरणको सञ्चालक समिति र कार्यकारी निर्देशक कुलमान घिसिङलाई विपक्षी बनाएका छन् ।
यसअघि शाक्यकै सहमतिमा कुलमानलाई ल्याइएको चर्चा चलेकाे थियो । मन्त्रिपरिषदले शाक्यलाई सचिव सरहको सेवा सुविधाका साथ उर्जा आयोगमा नियुक्ति गरेको थियो ।
वि.सं.२०७८ साउन ३२ सोमवार १६:४३ मा प्रकाशित
