Sansar News
१ भदौ, काठमाडौं । नेकपा एमालेले स्थायी कमिटी र संसदीय दलको बैठक बोलाएको छ ।
एमालेका एक नेताका अनुसार स्थायी कमिटीको बैठक मंगलबार बिहान ११ बजे तुलसीलाल स्मृति प्रतिष्ठानमा बस्ने भएको छ भने संसदीय दलको बैठक आजै दिउँसो ३ बजे बानेश्वरमा बस्ने भएको हो ।
सरकारले सोमवार राति १२ बजेदेखि संसद अधिबेशन अन्त्य गरेपछि अध्यक्ष ओलीले मंगलबारका लागि स्थायी कमिटी र संसदीय दल दुवैको बैठक बोलाएका हुन् ।
अध्यक्ष ओलीले सरकारले संसद अधिबेशनको अन्त्य गरेकोमा आपत्ति जनाएका छन् । उनले सोमबार एक विज्ञप्ति जारी गर्दै सरकारले हठात रुपमा प्रतिनिधिसभा अधिबेशन अन्त्य गरेको तथा एमाले विभाजनका लागि राजनीतिक दल सम्बन्धी अध्यादेश ल्याउन लागेको भन्दै विरोध गरेका हुन् ।
वि.सं.२०७८ भदौ १ मंगलवार ०९:०२ मा प्रकाशित
