हामी सबैकाे संसारन्यूज

भदौ १, काठमाडौं । विभाजनको संघारमा पुगेको नेकपा (एमाले)मा नेता वामदेव गौतमले आफ्नो कित्ता स्पष्ट पारेका छन् । कहिले तटस्थ त कहिले पार्टी अध्यक्ष केपी शर्मा ओली तिर देखिएका उनी अन्तिम समय माधवकुमार नेपाल पक्षलाई साथ दिँदै कित्ता स्पष्ट पारेका हुन् ।

मंगलबार माधव पक्षको छलफलमा नेता गौतमले आफुँसँगै आफ्नी पत्नीलाई तुलसा थापालाई पनि लिएर गएका छन् । उनले पटक–पटक गुट परिवर्तन गरिरहने माया ज्ञवालीलाई पनि सँगै लगेका छन् ।

सरकारले माधव पक्षलाई सहज हुने गरि मंगलबार २० प्रतिशतले नै दल विभाजन गर्न सक्ने अध्यादेश ल्याएको छ । अध्यादेश जारी भएसँगै माधव पक्ष दल विभाजनको लागि हस्ताक्षर संकलनमा जुटेको छ ।

हस्ताक्षर संकलनमा जुटेको माधव पक्षलाई वामेदवले पनि सघाएका हुन् । यसअघि उनले माधव र झलनाथ मिलेर पार्टी विभाजन गरे आफुँले साथ दिने बताएका थिए ।