Sansar News
भदौ २, काठमाडौं । औपचारिक रुपमा विभाजन हुँदै गरेको एमालेमा एक पछि अर्को अनौठा घटनाहरु देखिन थालेका छन् । केन्द्रमा माधवकुमार नेपाल पक्षले बेग्लै पार्टी दर्ताको तयारी गरिरहेका बेला माधव पक्षकै प्रभावशाली नेतृ अष्टलक्ष्मी शाक्य भने बागमतीको मुख्यमन्त्री बन्ने भएकी छिन् ।
बुधबार बागमतीका मुख्यमन्त्री डोरमणि पौडेलले एमाले प्रदेश सभा संसदीय दलका नेताबाट राजीनामा दिएका छन् र उनको स्थानमा शाक्यलाई चयन गरिएको छ । हटौंडास्थित प्रदेशसभा सचिवालयमा बसेको एमाले प्रदेश संसदीय दलको बैठकले शाक्यलाई सर्वसम्त रुपमा दलको नेतामा चयन गरेको एक सांसदले जानकारी दिए ।
योसँगै एमाले उपाध्यक्षसमेत रहेकी शाक्य आज वा भोलीसम्ममा बागमतीको मुख्यमन्त्री बन्ने भएकी छिन् ।
शाक्य पछिल्लो समय एमाले एकताको पक्षमा देखिँदै आएकी थिइन् । बागमती प्रदेशमा हालसम्म एमालेको पक्षमा स्पष्ट बहुमत छ ।
वि.सं.२०७८ भदौ २ बुधवार १५:५७ मा प्रकाशित
