हामी सबैकाे संसारन्यूज

भदौ २, काठमाडौं । लामो समयदेखि साथ दिँदै आएका नेताहरु नयाँ दल गठनसँगै माधवकुमार नेपाल नेतृत्वको समूहबाट अलग भएका छन् । नयाँ दल दर्ताको निर्णयप्रति असहमति राख्दै उनीहरु अलग भएका हुन् ।

माधव समूहबाट अलग हुनेमा मुख्यतः दोस्रो तहका मुख्य नेताहरु नै छन् । बताइएअनुसार एमाले विवाद समाधान गर्न गठित कार्यदलका सबैजसो सदस्य माधव समूहबाट अलग भएका छन् ।

बुधबार नयाँ दल दर्ता गर्ने विषयमा निर्णय लिन गरिएको बैठकमा कार्यदलका सबै सदस्यहरुले आफुहरु अहसमत रहेको कुरा राखेका थिए ।

को–को अलग भए माधव समूहबाट ?

नयाँ दल दर्ता गर्दै गर्दा संकलन गरिएको हस्ताक्षरमा माधव समूहका दोस्रो तहका अधिकांश प्रभावशाली नेता सहभागी छैनन् । बताइएअनुसार पार्टी उपाध्यक्ष भीम रावल, अष्टलक्ष्मी शाक्य र युवराज ज्ञवालीले माधव समूह छाडेका छन् ।

त्यस्तैगरि उप–महासचिव घनश्याम भुसाल र सचिवहरु गोकर्ण विष्ट, योगेश भट्टराई र भीम आचार्य पनि माधव समूहबाट अलग भएका छन् । स्थायी समितिका सुरेन्द्र पाण्डे, रघुजी पन्त र अनुशासन आयोगका प्रमुख अमृत बोहोरा पनि समूहबाट अलग भएका छन् ।

राष्ट्रपति विद्यादेवी भण्डारीले राजनीतिक दलसम्बन्धी अध्यादेश जारी गरेसँगै माधव समूहले नेकपा एमाले (समाजवादी) नामको दल दर्ताको निवेदन दिएको छ । अध्यादेशमा पार्टीका केन्द्रीय समिति वा सांसदहरुले २० प्रतिशत पुर्‍ याएर दल दर्ता गर्न पाइने व्यवस्था ल्याइएसँगै माधव समूहले उक्त व्यवस्थालाई टेक्दै दल दर्ताको निवेदन दिएको हो ।

दल दर्ताको निवेदन दिएसँगै माधव समूह एमालेबाट औपचारिक रुपमा अलग पनि भएको छ ।

सम्बन्धित समाचार

औपचारिक रुपमा फुट्यो एमाले : माधव नेपालले दर्ता गरे एमाले (समाजवादी)