हामी सबैकाे संसारन्यूज

भदौ २, काठमाडौं । नेकपा (एमाले) औपचारिक रुपमा विभाजित भएको छ ।

माधवकुमार नेपालको नेतृत्वमा एमाले विभाजित भएको हो । नेता नेपालले आफ्नो नेतृत्वमा बुधबार निर्वाचन आयोगमा ‘नेकपा एमाले (समाजवादी)’ नामको नयाँ दल दर्ता गराएका छन् ।

आयोगमा नयाँ दलको रुपमा एमाले (समाजवादी) दर्ता गरिएको सांसद मेटमणि चौधरीले जानकारी दिए । ‘हामीले आयोगमा दर्ताको निवेदन दिएका छौं, आयोगले माग गरेअनुसार प्रक्रिया पुरा गरेर बुझाएका छौं’, उनले भने, ‘अब प्रक्रिया अगाडि बढ्यो ।’

सरकारले राजनीतिक दलसम्बन्धी अध्यादेश जारी गरेसँगै माधव पक्षले औपचारिक रुपमा दल दर्ताको निवेदन दिएको हो । राष्ट्रपति विद्यादेवी भण्डारीले बुधबार जारी गरेको अध्यादेशमा केन्द्रीय समिति वा सांसदहरुको २० प्रतिशत पु¥याएमा दल विभाजन गर्न पाइने व्यवस्था छ ।

माधव पक्षले सोही व्यवस्थालाई टेक्दै दल दर्ता गराएका हुन् ।