Sansar News
भदौ ३, काठमाडौं । नेकपा एमालेका उपाध्यक्ष वामदेव गौतम माधवकुमार नेपाल नेतृत्ववको नेकपा एमाले समाजवादीको जाने भएका छन् । आफैँले सुरु गरेको एमाले एकता अभियान कार्यक्रमको भेलालाई बिहीबार भर्चुअल सम्बोधन गर्दै उनले यस्तो निष्कर्ष सुनाएका हुन् ।
ओली प्रवृत्तिलाई साथ दिन नहुने भनाई उनको छ । ‘केपी ओलीको प्रवृत्तिले नेकपा छिन्नभिन्न भयो, एमालेको यस्तो हालत भयो, उनलाई साथ दिनु भनेको अझ उनको एक्लौटी निर्णय, निरकुंश र स्वेच्छाचारी व्यवहारलाई मलजल गर्नु जस्तै हो’, गौतमको भनाइ उदृत गर्दै एक नेताले भनेका छन् ।
उनले एमाले समाजवादीभित्र बसेर एकताको अभियानको जिम्मेवारी लिने बताएका छन् । ‘माधव नेपाल नेतृत्वको बैठकमा म सबभन्दा पहिले प्रस्ताव राख्छु, एकताको जिम्मेवारी मलाई दिनुहोस् । उहाँले दिनुहुन्छ, मलाई विश्वास छ’, गौतमले भनेका छन् ।
माधव नेपालले वार्ताको जिम्मेवारी दिए डेढ वर्षभित्रै एमाले एकता गर्ने उनको दाबी छ । भर्चुअल बैठकमा सहभागीहरूमध्ये अधिकांशले तत्कालै माधव नेतृत्वको एमालेमा जानुपर्ने धारणा राखेका थिए ।
सम्बन्धित समाचार
वि.सं.२०७८ भदौ ३ बिहीवार १७:५१ मा प्रकाशित
