हामी सबैकाे संसारन्यूज

६ भदौँ, काठमाडौँ । रोयल च्यालेन्जर्स बेङ्गलोरले आईपिएलको बाँकी खेलका लागि एकैदिन ३ नयाँ खेलाडीलाई टिममा अनुबन्धित गरेको छ ।

बेङ्गलोरले शनिबार श्रीलंकाका क्रिकेट टिमका अलराउन्डर वानिन्दु हसरंगा, फास्ट बलर दुश्मन्था चमिरा र सिंगापुरका टिम डेविडलाई टिममा अनुबन्धित गरेको हो ।

आईपिएलको बाँकी खेलमा अष्ट्रेलियाका एडम जाम्पा, डेनियल श्याम्र्स र न्यूजिल्याण्डका फिन एलेन उपलब्ध नहुने भएपछि बेङ्गलोरले यी ३ खेलाडीहरु टिममा अनुबन्धित गरेको हो । यी तिनै खेलाडीहरु पहिलो पटक आईपिएको कुनै टिममा अनुबन्धित भएका हुन ।

कोरोना भाइरसको कारणे बिचमै स्थगित भएको २०२१ को आईपिएल सेप्टेम्बर १९ देखि यूएईमा पुन सुरु हुदैँछ । विराट कोहली कप्तानीमा रहेको रोयल च्यालेन्जर्स बेङ्गलोरले ७ म्याच खेलेको छ जसमा ५ खेलमा जित निकोलेका छ भने २ खेलमा हारको सामना गरेकाे छ ।