Sansar News
भदौ ८, काठमाडौं । नेकपा (एमाले)को स्थायी समिति बैठकमा उपाध्यक्ष वामदेव गौतम अनुपस्थित भएका छन् । मंगलबार च्यासलस्थित तुल्सीलाल स्मृति प्रतिष्ठानमा बसेको बैठकमा उनी अनुपस्थित भएका हुन् ।
माधवकुमार नेपालले नेतृत्वको गरेको पार्टीमा प्रवेश गर्ने चर्चाका बीच गत आइतबार उनले एमालेमै छु भन्दै सचिवालयमार्फत प्रेस नोट जारी गराएका थिए । तर, मंगलबारको बैठकमा भने उनी अनुपस्थित भएका छन् ।
गौतम निकटस्थले बताएअनुसार उनी माधव पक्षले दर्ता गरेको नेकपा (एकीकृत समाजवादी)मा जाने तयारीमा छन् । एमालेमा नरहने निष्कर्ष स्वरुप नै उनी मंगलबार बैठकमा अनुपस्थित भएका हुन् ।
बताइएअनुसार बुधबार निर्वाचन आयोगमा हुने सनाखतमा माधव पक्षको तर्फबाट उभिने छन् ।
वि.सं.२०७८ भदौ ८ मंगलवार १७:४४ मा प्रकाशित
